Humko Pyar hua (Story -1)

(Story- 1)

                                                                   Part -5

......keh ke wo chala gaya...

                     Kuch door jaane ke baad use Azaan (Prayer) ki Awaaz sunai di to usne Aasman ki taraf dekha aur bola. " God mai nahi janta ke mai Divya tak kaise pohchunga, par mai itna zarur janta hu tune mujhe yaha tak pohchaya hai to tu hi mujhe Divya tak bhi pohchayega aur mujhe tujh par pura Bharosa hai.... "  " beta agar tumhara Irada nek hai to tum zarur apni manzil tak pohchoge bas mushkilo se har mat manna.." ek sahab bole aur Muskurate hue chale gaye.  " agar mujhe Divya ko hasil karna hai to mujhe Mushkilo ka samna to karna hi padega.. aur mai isse bilkul piche nahi hatunga. " keh k wo aage badha. abhi wo kuch hi door gaya tha ke use Road ke dusri taraf ek Bus Stop par Atul khada nazar ayaa. use dekhte hi wo uski taraf badhne laga... abhi wo Road cross hi kar raha tha ke side se ek Car aake ruki. uske break ki awaaz sunte hi jaise Atul ne us taraf dekha to Sanjay ko dekhte hi ghabra gaya aur laga waha se bhagne. " sorry.." keh ke Sanjay bhi uskke piche bhaga, kuch door bhagne ke baad use pakad hi liya.  " bol Divya kaha hai..? "  " kaun Divya ?  mai kisi Divya ko nahi janta. ?  "  " mai usi ladki ki baat kar raha hu jo mere sath Train me thi aur jiska tum logo ne Kidnap kiya hai.."   " mujhe nahi pata is baare me.. " Sanajy use marta jata aur puchte jaata phir  use leke Police Station pohcha. " Sir jin 3no ki mai baat kar raha tha unme se ek ye hai.. puchiye isse kaha hai eri Divya.. ? "  Sanjay gusse se bola.  " Cooldown plz. hum puch tach karte hai jaldi pata chal jayega Relax.. " keh kke Inspector Atul ko lock up me leke gaye.  " dekh pehle hi sab kuch bata dega to wada karta hu ek hath bhi nahi lagaunga.. "  " Sir mujhe nahi pata is baare me kcuh  sach bol raha hu.. "  " tum log se pyar se baat karna hi bewakufi hai.. "  khud se keh ke usne pass khade Constable (hawaldar) ko isharaa kiya to wo log use marne lage. phir wo bahar agaya.  " tum tension mat lo, 2-4 padenge na jab tab dekhna kaise muh kholta hai.  " Inspector ne kaha.  " Sir ab mujhse aur control nahi ho raha bas kar raha hai ke wo bataye aur mai jaake Apni Divya se mil luu..."   " mai samjh sakta hu , jaise ab tak wait kiya hai bas thoda aur wait kar lo phir dekhna bohat jald tum unke pass hoge. " Inspector ne kaha.

      kuch der baad,  " Sanjay, Divya ka pata chal gaya hai.  " Inspector ne aate hue kaha.  " kya sach me.?  "  " han bilkul. us Atul ne sab bata diya. "  " ye to bohat acchi baat hai "  " wo to hai, hume abhi nikalna hoga.. " Inspector ne kaha phir wo log nikal pade. Atul unke sath tha.  " yaha se Right lena  " Atul bola. wo log uske bataye hue Direction par chale ja rahe the. kkuch der baad wo log ek Hotel ke pass ruke. phir Hotel me chale gaye.Room par pohach kar darwaza knock kiya. Karan ne dekha Atul khada tha to jaldi se darwaza khola aur bas... " tu kaha tha yr kabse tera wait....." itna hi bol paya tha k police andar agayi. unhe dekhte hi wo ghabra gaya.  " Divya kkaha hai.? " Sanjay ne Karan se puchne laga. tabhi saare Constable aaye aur bole " Sir andar koi nahi hai."  " ladki kaha hai..? "Inspector ne pucha.  "  wo to Rajiv ke sath 10 min pehle hi ja chuki hai. "  Karan ne darte hue bataya.  " kaha ke liye nikle hai wo log. ? " Inspector ne pucha.  "  wo use leke kisi Dalal ke pass gaya taake usse...."   " usse Deal kkar sako... tum jaise Insaano ki waja se Aaj samaj ki Maa-Behne gharo se nikalne se darti hai.. "  Inspector ne kaha. " us Dalal ne humse kaha tha ke use ek ladki ki zarurat hai hume acche paise mil rahe the to humne ye sab kiya.. " Atul bola.  "is waqt wo kaha hai pata karo aur roko use warna...."  " warna mujhse bura koi nahi hoga.. " Inspector ne Sanjay ki baat kat te hue kaha.  " Hello Rajiv tu kaha haiabhi.? " Karan ne phone lagate hue kaha. "  bas samajh le pohach  gaya. tum log arahe ho ya akele hi jau.?  " Rajiv ne pucha. " tu bas wahi khade reh hum log arahe hai.. "  " chal thik hai mai wait karta hu. " Rajiv ne phone rakhte hue kaha.  " kya kaha usne  ?  " Sanjay ne pucha.  " wo waha  pohach hi gaya hai bas humara Intezar kkar raha hai. " Karan ne bataya. "  hume abhi waah pohachna hoga.. " Sanjay ne kaha. phir wo log waah se nikle. waha pohachte hi sab yaha waha bat gaye.  Rajiv ne karan ko aata dekha to foran bola " kitna time lagate ho yr tum log.. ? upar se ye Dimag kharab kar ke rakhi hai... Atul kaha hai dikhai nahi de raha..?  "  " yr Ek problem ho gayi hai... hume Police ne pakad liya.. "   " ye kya bakwas kar raha hai.. matlab tu yaha unse bhag ke aya hai na..?  "  " nahi wo mere sath aaye hai.. "  Karan ki ye baat sunte hi wo pareshan ho gaya aur idhar udhar dekhna shuru kiya to dekha ek taraf Inspector , Atul ko liye arahe the. unhe dekhte hi ek taraf bhaga to waha se constable ko aata dekh ruk gaya, phir use chaaro taraf se gher liya gaya.. divya, Sanjay ko aata dekh bohat khush hui aur uski taraf bhagi aur use Hug kar liya. Sanjay, Divya kko dekh kar bohat khush tha..  " tum thik to ho na..? unho ne tumhe kuch kiya to nahi..?  "   " mai bilkul thik hun...sach me.. " Divya boli to Sanjay ne sukun ki saans li. phir Inspector se hath milate hue bola " thank you Sir, aapki help k bina mai Divya tak kabhi na pohachta.. "   " are thank you to mujhe tumhe kehna chahiye agar tum Atul ko na laate to pata nahi hum kab takk ye case solve kar paate... sach kahun to humne to kuch kiya nahi jo kiya tumne kiya infect tumne humari help ki hai... okay ab mai chalta hu, mujhe inhe inke Sasural bhi to le jana hai...  "  keh ke Inspector unhe leke chala gaya..  " thank you so much mujhe dobara un gundo se bachane ke liye...  "   " agar wo log tumhe India ke bahar bhi le jaate to mai waha bhi aakke tumhe bachata...  "   " Accha g.. "  " han bilkul. kyu ki mai....."   " tumhara Dost jo hu... janti hu, You know what Sanjay tum sach me mere Dost ho... " keh Divya aage badh gayi. magar Sanjay wahi khada raha.  " kya soch rahe ho chalna nahi hai kya..?  "  " shayed ye sahi time nahi Propose karne ka... " Sanjay apne man me bola.  " oh God! phir se Train pakadni hogi.. " Divya khud se boli. Train me pohach kar,  " suno ek kaam karo is baar mera hath pakad lo kahi pichli baar ki tarha phir na koi le jaye.. " usne Hanste hue kaha phir Sanjay ka hath pakad liya, aur uske Shoulder (kandhe) par apna sar rakh diya. Sanjay ne Smile bhari nazro se use dekhte hue man me bola  " mai to tumhara hath zindagi bhar pakadna chahta hu. " phir ek taraf dekhne laga. wo kaafi khush tha..

             Pune pohachte hi dono train se utre aur bahar kii taraf jane lage. tabhi raste se usne ek Rose utha liya aur smile dene laga. bahar pohach kar,  " Sanjay .... " jaise hi Divya ne naam liya to usne wo rose piche chupa liya . "  Sanjay jo tumne mere liye kiya uske liye mere pass koi shabd nahi hai.. mai bas  itna kehna chahti hu kke tumne jo mere liya wo mai kabhi nahi bhulungi , zindagi bhar yaad rakhungi.. tum sach me bohat acche ho.. " usne kaha aur use Hug kar ke jaane lagi.  abhi 1-2 step hi liya tha ke wo ye kehti hui palti   " aur ek baat batana to mai bhul hi gayi.. .. 4 mahine (months) baad meri Shadi hai aur tumhe zarur aana hoga. plz mana mat karna warna mujhe bohat bura lage ga.. "  Shadi ka naam sunte hi Sanjay ka Dil tut gaya, uske chehre ki wo smile chali gayi..  " mai zarur aaunga bas ek baar call kar ke yaad dila dena..  " usne fake smile ke sath kaha. " ab tak to tum itne khush the Achanak ye mood kyu off hogaya..?  "   " wo actually ab yaha se hum alag ho jayenge na tum apni Manzil mai apni Manzil.....  " Sanjay ne kaha..  " wo to hai, okay to hum phir milte hai... Nice to meet you..."  Divya ne hath aage badhate hue kaha to Sanjay ne Smile ke sath hath milaya..  " Nice to meet you too.. " phir wo Divya Taxi ki taraf chali gayi. Sanjay use jaate dekh jaise andar se rone laga... usne wo rose jo Divya ko dene ke liye liya tha  wo ek baar dekha phir saamne se aati ek cute si bacchi (little Girl) ko de diya aur smile dete hue ek taraf chala gaya.... 

END....

                                                                            

Humko Pyar Hua

(Story- 01)

                                                                                                         Part - 4

     ..... Sanjay waha se bhaga aur next Station par utar gaya aur Taxi pakad ke usse pehle wale Station ki taraf jane laga. " Sir, aapko jana kaha hai waha.. ? " Driver ne pucha to Sanjay bola " pata nahi.. "  " Pata nahi matlab..? phir jaa kyu rahe ho.? "  " mai waha kisi ko dhundne ja raha hu. "  " Aree to kisko dhundne ja rahe ho naam batao mai to wahi ka rehne wala sabko janta hu. bolo kaun hai .?  "  " mai jise dhundne ja raha hu na hi wo waha ki hai aur na hi tum use jante ho "  " ye kya baat hui Sir, waha raho tabhi jaano aisa zaruri to nahi na. kitno se to pehchan is liye ho jati hai kyu ke wo mere customer ban jate hai. aur kitno ke to chehere yaad ho jaate hai. Aap ek baar photo to dikhao "  " Okay " keh ke Sanjay ne apne Mobile pe Divya ki photo dikhai to wo photo dekh k bola " Oooo kya ladkki hai yr sach me.. " Driver bola phir Sanjay ka face dekhte hi kehne laga "  ab aisi photo dikhao ge to kya hoga.. waise maine ise kahi dekha hai.. "   " kaha dekha tha...? " Sanjay jaldi se bola  " abhi thodi der pehle aapke mobile me..   "  " mai mazak ke mood me nahi hu. "  " sorry Sir, agar dekha hota to zarur bolta. waise aap ise dhund kyu rahe hai. ? "  "  kyu ke ye ghum ho chuki hai, kisi ne iska Kidnap kiya hai.. "  " kya Kidnap .? Sir aap bhi na , Kidnap hua hai to Police ke pass jao na. " Driver bola.  " mujhe Police ki zarurat nahi, mai akela hi use dhund lunga. " Sanjay bola aur bahar dekhne laga.. Driver bad-badaye ja raha tha. " Sir meri baat maano to Police ke pass jao wo zarur use dhund lenge.. aap sun rahe hai mai kya keh raha hu.. " kuch door jaane ke baad usne Taxi rok di aur bola " Sir mujhe yaad ayamaine ise kaha dekha tha.. "  " kaha dekha tha tumne ise.. ? " Sanjay ne pucha.  " Sir kal raat 3 log is ladki ko leke aaye aur meri gadi me baith gaye, wo ladki aisa lag raha tha full toon thi.  wo 3no use Sahara diye chal rahe the maine pucha....  { " kya hua Sir Madam thik to hai na .? "  " han thik hai bas thoda zyada pee liya is liye to ye halat ho gayi, puri Party ka maza kharab kar diya.." Rajiv bola. " hota hai Sir aisa, ab meri wali ko dekh lo ek baar hum ek club me gaye aur phir wo bhi......  "  } " tumne un logo ko utara tha yaad hai.? " Sanjay ne uski baat kat te hue pucha. " han bilkul yaad hai abhi le chalta hu waha. " keh k Driver ne gadi start ki aur phir wo log us jaga pohche.. " tumhe pakka yaqeen hai ke tumne un logo ko yahi choda tha..? " Sanjay ne jaga dekhte hue pucha. actually wo jis jaga ruka tha wo main road tha aur Raste usse lag ke gaye the. " han Sir maine to yahi utara tha mujhe acche se yaad hai. " Driver bola. " Accha ye batao wo log gaye kis taraf the. ? "  " thik se to nahi dekha tha jaate par shayed us taraf gaye the.. " Driver ne sochte hue ek taraf ishara kiya.  " okay thanx, ye lo tumhare paise. " Sanjay ne paise diye aur us taraf bhaga to Driver chillaya " Sir baki 100 Rupe ??  "  " rakh le yr.. " Sanjay ne door se kaha. " Sir  mai wapas nahi de raha mang raha hu..... " Driver bola tab tak Sanjay ja chuka tha.

        

           Sanjay har kisiko apne mobile se Divya ki photo dikhata aur uske baare me puchta. par koi bhi uske baare me nahi janta tha. thak har ke wo Police Station gaya.  " to ye ladki jiska naam Divya wo train se kidnap ho gayi ha..? " Inspector ne baate sunne ke photo dekhte hue pucha. " yes Sir, aur mujhe poora yaqeen hai ke un 3no ne  Divya ka kidnap kiya hai. Sir yaha tak mujhe ek taxi wale ne pohchaya usi ne mujhe bataya k koi 3 ladke the jo uski taxi me baith kar yaha aaye the. Sir plz  kuch bhi kariye aur Divya ko dhund nikaliye.."  " Aap tension mat lo hum puri koshish karenge. " Inspector ne kaha phir Sanjay waha se bahar agaya. " mai Police ke bharose nahi baith sakta. mujhe khud bhi use dhundna hoga.." Sanjay khud se bola aur ek taraf nikal pada . subha se dhundte dhundte shaam ho gayi par Divya nahi mili. Subha se Sanjay ne kuch khaya bhi nahi tha is liye wo kuch khane ek hotel me chala gaya. " Apun order leke aa gaya. " waiter ne khana rakhte hue bola but Sanjay ka dhyan uske mobile me lagi Divya ki photo  par tha.  " kuch bhi ho jaye par mai use dhund kar rahunga. chahe mujhe kuch bhi karna pade. " Sanjay khud se bola. waiter abhi wahi khada tha usne photo dekhi to kuch sochte hue bola " Apun isko dekhe la lag raha hai.. " ye sunte hi Sanjay foran uski taraf dekhte hue bola " kya kaha tumne ? "  " yahi ke apun isko kahi dekhe la hia par kidhar wo sala yaad nahi.. "  "  plz yaad karo ek baar plz "  " apun socha re par sala Dimag me hi nahi aara. "  " mera ye janna bohat zaruri hai plz ek baar yaad kar ke batao "  " apun bola na nahi yaad ara to kyu Dimag garam kar ra hai, abhi jaane de apun ko bohat kaam hai. " bol ke wo jaane laga to Sanjay bola " mai janta hu tum aise nahi bataoge.. bolo kitna paisa chahiye mai dene ko tyyar hu.  "  " Dekho sab. manta hai apun baat acche se nahi kar pata to iska ye matlab nahi k apun andar sebhi bura hai... mehnat kar ka khata hai apun galat kaam ka nahi... ek last time tere liye yaad karta hai. agar yaad nahi aaya to dobaraa  bolne ka nahi ha ..."  " okay "  Sanjay ne kkaha to wo sochne laga....  " kidhar dekha haiapun isko.. Park me..? nai , hotel me .. bhi nahi,...  theater me dekha rahe ga . haaa...,  nai yr apun to aaj tak kabhi waha gaya hi nahi..... " kuch der sochne ke baad " apun ko maaf karo Sab. apun ne bohat socha par sala yaad nahi aya apne ko. " ye sunte hi Sanjay ka mood phir se off  hogaya... use laga tha jaise wo Divya ko dhundne me ek step aage ajayega par ye ummid bhi bekar ho gayi. tabhi  " ha ghar jaate time Apun takraya tha isse.. "  " Kuch kaha tha tumne..? " Sanjay ne palat k dekha to wo waiter khada tha wo bola  " Apun ko yaad aya , kal jab apun duty khatam kar ke  ghar ja raha tha to raste me apun kkuch logo se takra gaya tha.  "  " Kin logo se saaf saaf batao  "  " pata nahi wo kaun log the, par ha koi 2-3 Admi the. wo isko pakde kahi le ja rahe the. Apun jab takraya tab wo behosh thi.  ....   { "aye dekh ke nahi chal sakta kya.? " Atul bola. " Apun jan bujh ke thodi aisa kiya, ho gaya galti se ..waise ye ladki ko hua kya ha? "  " ye sidhiyon (stairs) se niche gir gayi aur behosh ho gayi. is liye ise Hospital le ja rahe hai. " Rajive bola.... }  phir wo log chale gaye.. "   " kya tumhe yaad hai wo log kis taraf gaye the.?  "  " uska tension nahi lene ka Apun tumhare ko waha tak leke jayega bas 2 minute ruko apun aata hai.. " bol ke wo chala gaya. phr uske aate hi wo log chal pade.  "  Tumhe un logo ko dekh kar kuch ajeeb nahi laga tha..? " Sanjay ne pucha.  " laga tha na Sab. sabse zyada to ye baat ajeeb lagi  un log jis taraf Hospital ka bol ke gaye the us taraf to koi Hospital hai hi nahi  "   " what. ??? to tumne koi action kyu nahi liya. ? "   " kya sab. us time Apun thaka hua tha. Apun ko kya mallum kya matter hai, Apun socha jaha jaare jaane do Apun k baap ka thodi kuch jara.."  " Damn it.. apne Desh ke logo ki na yahi problem hai. kuch bhi galat hota hua dekhenge par koi action nahi lenge.. Kabhi kisi ki help nahi karenge..  "  " aisa mat bolo Sab. Apun tumhari help to kar raha hai na.."  " ha bilkul kar rahe ho but bohat late. agar usi time kuch action liya hota to shayed mujhe use itna dhundna na padta... but thank you so much ke tumne itna kiya mere liye. " Sanjay bola aur chalne laga. kuch der chalne ke baad,  " sab. bas idhar hi Apun un log se mila tha. phir wo log us taraf chale gaye the.. uske baad kaha gaye wo Apun ko nai mallum. "  " tumne itna bata diya wahi bohat hai mere liye. once again thanx bro.. " keh k wo us taraf jaane laga to piche se wo waiter bola  " sab. tumne jo Apun ko wo help wali baat boli na wo Apun ke idhar lagi .. Aajke baad Apun humesha is baat par dhyan dega.. "   " ye na baat, thats great.." keh ke wo chala gaya..

                                                                                                        To be continued....        

Humko Pyar Hua

(Story-1)

                                      Part-3

.... TT ne sab bak diya.

                          Udhar, " tum AC compartment chod ke Sleeper me kya kar rahe the. ? " Divya ne pucha. " Akela insan kab tak baitha rahe. bas thoda fresh hone nikla tha. " Sanjay ne bataya. " utni raat ko ? " . " ha to first time train se travel kar raha hu to bas.." Sanjay ne kaha. phir Divya window seat par baith gayi aur bahar dekhne lagi. " ab aapko un logo se darne ki zarurat nahi, yaha koi pareshan karne wala nahi hai. so relax..." Sanjay ne kaha. is par Divya  ne smile di aur bahar dekhne lagi. tabhi pani pine k liye usne apne bag se bottle nikali par wo khali thi. " aapko pyas lagi hai.? " Sanjay ne pucha to Divya ne ha me sar hilaya. Sanjay ne apni bottle dekhi wo bhi khali thi. " oops, aap yahi wait kariye mai abhi Pani leke aata hu. " Sanjay bola aur bahar aya. wo jaise hi bahar nikla use kuch door wo 3no baate karte hue aate nazar aaye. unhe dekhte hi usne socha " agar in logo ko Divya ne dekh liya to wo phir tension le legi. " sochte hi wo wapas agaya. " kya hua Pani nahi mila. ? " Divya ne Sanjay se pucha. par uska dhyan kahi aur tha to usne loi answer nahi kiya. " sab thik hai na .? tum itne tension me kyu lag rahe ho ? " Divya ne phir se pucha.  wo 3no ne jaise hi Parda hataya andar Sanjay, Divya ko kiss kar raha tha. actually jaise hi parda hatne wala tha Sanjay ne Divya ko apne Qareeb kiya aur uske Lips par apna thumb (Angutha)  rakh ke is tarha dikhaya maano sab ko lage ke wo Kiss Kar rahe ho. " Abe kya scene hai yr. " Rajiv ne kaha. tabhi bagal se ek Chacha nike aur un 3no ko is tarha dekh foran bole " ye tum log kya kar rahe ho..? "  Awaaz sunte hi 3no Chacha ko dekha aur waha se bhage. unke jaate hi wo Chacha andar aye to dekha dono kiss kar rahe hai to foran bole pade " ab bas bhi karo tum dono. " Awaaz sunkar Sanjay ne Divya ko chod diya. " Aaj kal ke bacche choti si umr(Age) me itni badi badi harkate karte hai.." . " Aap galat samjh rahe hai, Aapne jaisa dekha waisa kuch nahi nahi hua. " Sanjay bola. " accha maine tum logo ko chumma lete hue dekha matlab tum chumma nahi le rahe the.? " Chacha ne pucha to Divya hairat se boli " Aakhir tumne aisa kyu kiya.? "  " mai sab samjhata hu.. " keh ke usne saari baat batayi. phir bola " maine soha agar un logo ne Divya ko dekh liya to phir pareshan karenge. isse pehle ke wo hume dekhte mujhe Aisa karna pada.  actually maine inke lip pe kiss nahi kiya apne thumb pe kiss kiya tha. Divya jo harkat par maine aapko un Gundo se bachaya wo mai khud kaise kar sakta hu..? is liye Trust me plz.. "  " oh to jinko maine yaha se bhagaya wo wahi gunde the. maine kuch badmaasho ko andar jhankte hue dekha tha to dant kar bhaga diya. " Chacha bole. "Thank you so much Uncle. " Divya ne kaha to Sanjay bola " okay. mai Pani leke aata hu " keh ke wo jaane laga to Chacha bole. " ruko, aise halaat me tumhara iske saath rehna zaruri hai, Pani mai le aata hu. " keh k Chahca bottle leke bahar chale gaye. " thanx mujhe dobara bachane ke liye. ". " isme thanx kaisa kya ek dost ke liye itna bhi nahi kar sakta ? " Sanjay ne kaha. " Friend ?? " Divya ne Sanjay ki taraf dekhte hue kaha. " ab sath hai to Dost to ban hi sakte hai na.. ? ".  " Kyu nahi bilkul ban skate hai.. " keh ke usne apna hath aage badhaya to Sanjay ne khushi se hath milaya.     Udhar Chacha jaise hi gate ke pass pohche to dekha samne Atul khada tha, wo piche hue to Dekha Karan waha khada tha. phir side se Rajiv aya 3no ko dekh Chacha thoda pareshan ho gaye aur bole " tum log ab bhi yahi ho ? lagta hai aise nahi manoge. "  "sahi bola aise nahi manege. " Atul bola, " Saale buddhe, accha mast scene dekh rahe the halla(shor) kar ke bhaga diya humko. "  Karan bola to Rajiv aage aate hue bola " Isko to saza milni chahiye. Maaro saale ko. " phir kya tha wo 3no Chacha ko marne lage. Chacha chillate rahe " mujhe mat maro, chod do ... aree koi bachao . " par wo log nahi ruke unhe darane marne lage. tabhi ek taraf se TT aya aur unhe marta dekh chillaya " Aey kya kar rahe ho tum log.. ruko abhi batata hu. " keh ke wo us taraf bhaga. " Abe TT, chal bhag. "  Karan bola to log bhag gaye. " Kamine Saale.. Buzurg pe hath uthate hai. dobara mileto sidha Jail me dalwa dunga.." TT unki taraf dekh chillaya phir Chacha ke pass aake bola " Aap thik to hai na .? Zyada lagi to nahi aapko.? ". " mai thik hu.accha hua unho ne zyada nahi mara. "  " waise wo log aapko mar kyu rahe the.? " TT ne pucha. " maine bhi aapki tarha unhe chilla ke bhagaya tha. is liye..." ye sunte hi TT thoda ghabra gaya aur bola " Accha. "  " waise ek baat bolu Sir aapko. " " han boliye. "  " maine unhe ek baar chillaya to mujhe itan mara aapne to kayi baar chillaya Aapka kya haal karenge..? "  " Apko lagta hai mai un mamuli gundo se dar jaunga. mai koi mamuli admi nahi hu, agli baar agar wo mile to sidhe Jail ki hawa khilaunga. ab Aap yaha se jaiye.." TT ne josh me kaha phir Chacha chale gaye. " isse pehle ke  wo log mujhe kuch karen mujhe unse maafi mangni hogi.. ruko mai araha hu.." TT ne roni surat bana ke kaha aur us taraf chala gaya jaha wo log bhage the.

                           

            Udhar,  wo 3no bhagte hue chale ja rahe the tabhi kuch aage ek Aurat ek glass me pani nikal ke  Samne baithe ek admi ko de rahi thi ke Atul bhagte hue aage badh gaya jiski waja se glass ka sara Pani ek so rahe Admi par gir gaya. kuch aage badhe to ek Sardar ek Juice ki bottle apne piche rakhi aur baccho ko glass batne laga tabhi Atul bhagte hue wo bottle utha le gaya. " Papa wo juice to wo le gaya. " ek baccha bola " oh koi nai puttar le jaane de wo to choti bottle thi, ab hum badi bottle ka juice piyenge. " ye keh kar usne badi bottle nikali aur Atul ki taraf dikhate hue bola " Oye le ja wo Bottle .. humare pass to dsurii bhi hai.." Sardar ne ye kehte hue jaise hi Bottle bahar k taraf ki Karan bhagte hue wo Bottle bhi le gaya. Sardar hairani se use dekh raha tha to dusra Baccha bola " Pappa g wo bottle...."  " puttar wo bottle chod dusri ajayegi.. le tu ye chips kha. " Sardar ne baat kat te hue kahi to Rajiv use le bhaga,. " pappa g..." wo baccha gusse se bola. " Oh koi nai puttar mere pass aur bhi hai ther abhi deta hu.. " ye keh k usne pehle idhar udhar dekha koi aa to nahi raha phir Apne bete ko de diya. "Aye le Puttar. "

      Udhar, Chacha dard se bhare Pani leke pohche to Sanjay ne unki halat dekha pucha " abhi to aap bilkul thik the phir ye Achanak kya ho gaya..? " " kuch nahi beta wo Kamine phir aaye the aur unho ne meri ye halat ki. Ah.. " Chacha ne bataya. " Iska matlab wo dobara aayenge.. " " nahi beti TT ne unhe bhaga diya to mujhe nai lagta ke wo wapas Aayenge. " Chacha bole. " phir bhi hume Hoshiyar rehna chahiye.. " Sanjay bola. phir Chacha chale gaye . Raat ko jab Divya so gayi to Sanjay baitha use hi dekhe ja raha tha phir usne apna phone nikala aur uski ek pic click ki phir let k use hi dekhne laga. dekhte hi dekhte uski Aankh lag gayi aur wo so gaya. Dusre din subha jab uski Aankh khuli to Divya ko na paa ke pareshan hua. usne yaha waha dekha phir washroom jaake bhi use dhundne laga, use waha na paake wo bhagta hua Chacha k pass aya aur puchne laga " Uncle aapne Divya ko dekha hai kahi..? ". " Divya wo jo tumhare saath thi..? "  " ha wahi kya use aapne kahi dekha wo mil nahi rahi.. " Sanjay Pareshan hote hue bola. " nahi beta  maine to use nahi dekha. " Chacha bole. tabhi ek Aurat jo pass hi khadi thi bol padi " Maine kal Raat ko dekha ke kuch log kisi ladki ko liye ja rahe the ladki apne hosh me nahi thi maine unse pucha.... { ' kyahua ladki ko .? aise kaha le ja rahe ho. ? '  " Kuch nahi Aunty wo isko neend me chalne ki adat hai na to chali gayi thi. kitna dhund ab mili to pakad ke le ja rahe hai. " Atul bola. " Are ye neend me chalne ki bimari na sach me bohat bekar hai..acche se leke jao aur dhyan do kahi dobara na chali jaye..."  " han Aunty bilkul " karan bola.} ..... phir wo log chale gaye "  " mai samjh gaya wo kaun the.." bol k Sanjay ek taraf bhaga aur us compartment me aake un logo ko dhundne laga.. " kya hua beta kya dhund rahe ho..? " Ek Admi ne pucha. " yaha 3 ladke the na..? "  " wo 3no to bade hi badmassh the. sabke naak me dam kar rakha tha. " " wo log kaha chale gaye.?  "  " pata nahi. mai k=jab subha utha to wo log yaha nahi the shayed chale gaye raat hi.." Admi ne bataya. " Oh God! wo log use le gaye. " Sanjay gusse se bola. " kise le gaye beta..? "  " wo log zyada door nahi gaye honge mujhe abhi next station par utar kar unhe dhundna hoga. " keh k usne Admi ki baat an suni kar di aur phir kuch der baad Next Station par utar gaya...  
                                                                                                  To be Continued......

Love Story

Humko Pyar Hua

                                                         (Story 01)

                                                                                   Part-2

   .......Karan ne kaha. " maine kaha na mujhe kuch nahi chahiye to plz.. chup chap chale jao yaha se " Divya Hyper hote hue boli, mano agar wo nahi gaya to wo unpar haath utha de.. dono aage jaane lage to Rajiv chillaya " bulana zarur." phir wo log hanste hue apni seat pe jaake baith gaye. just unke aage wali seat par baithi ek budhi Aurat unse boli " tum log kyu uss Ladki ko baar baar pareshan kar rahe ho.? " " kyu aapki beti hai kya ? nahi na to apna kaam karo na..? " Karan bola. phir Rajiv unki acting karne laga " baar baar kyu pareshan kar rahe ho.." aur 3no hansne lage. " kaise badtameez bacche hai bado ki zara bhi izzat nahi..." wo Aurat apne bazu wale se boli.

        

        kuch der baad Divya apni seat se uthi aur fresh hone washroom ki taraf badhi, jab wo jaane lagi to usne dekha dono apni seat par baithe use ghoor rahe the. wo unhe ignore karti hui washroom chali gayi. nikalne se pehle usne apne baal (hair) sahi kiye phir jab usne bahar nikalne ke liye darwaza kholna chaha to aisa laga jaise darwaza kisi ne bahar se lock kar diya ho, wo baar baar try kar rahi thi par darwaza nahi khul raha tha. " kaun hai bahar plz darwaza kholo." Divya ne Awaaze dene lagi. " koi hai ? plz mujhe bahar nikalo yaha se.. door lock ho gaya hai."  kehte hue usne jaise hi door open karna chaha ke Door open hogaya. Divya ne jab bahar dekha to waha wo 3no khade the. " aap andar chilla kyu rahi thi..? " Karan bola.  " Rasta chodo mujhe jaane do " Divya ne kaha. Karan aur Rajiv is tarha khade the ke pura rasta block tha  " hum to side me khade hai jao na  " Rajiv smile karte hue bola. " tum log raste se hato yr use jaane do." Atul bola. "  hum to side me hai jaaye na bich se kisne roka hai " Karan bola. phir Divya un dono ke bich nikal jaane lagi. dono is tarha khade the bich se jana matlab zabardasti jana. Divya ek side hoke nikli aur direct apni seat ki taraf bhagi wo 2no hansne lage. kuh der baad TT aya " madam ticket ? " TT ne Divya se kaha. Divya apne purse se Ticket nikalte hue boli " ye rahi ticket. ." " apna ID card dikhaiye.. " TT bola aur ticket check karne laga. Divya apne purse me ID dhun rahi thi par use mil nahi raha tha. " kya hua madam ID kaha hai..? " TT ne pucha. " purse me hi tha par pata nahi kyu nahi mil raha.." Divya ne dhundte hue bataya. " thik hai aap nikal ke rakho mai wapas aake check karta hu.." TT bola aur dusre ki ticket dekhne laga. tabhi Karan haste hue bola " kya hua ticket nahi hai hum help kar den.? " " tumahre pass hai kya ticket.? " TT Kkaran  se bola. " hai na lo abhi abhi dikhata hu ticket " Rajiv bola, phir TT unki taraf chala gaya. kuch der baad train ek Platform par ruki Divya bhi utri aur ek shop par gayi usne waha ek magazine kharidi aur use dekhte hue train ki taraf badhi. jaise hi wo gate par pohachi to dekha gate par dono Rajiv aur Karan khade the. " gate se hato mujhe andar jana hai " Divya ne unse kaha " kyu hate hum ? tum jo bolo gi wahi kare kya hum. samajh ke kya rakha hai "  Rajiv bola. tab tak train chalne lagi train ko chalta dekh Divya ghabrane lagi  aur chlae chalte boli " plz mujhe andar aane do meri train chut jaye gi."  " hum nahi hatenge." Karan bola aur hasne laga. train fast hone lagi wo dono hatne ka naam nahi le rahe the tabhi piche se Atul aya aur Divya ki taraf haath badhate hue bola " hath do earna train chut jayegi "  phir Divya ne uska hath pakada aur train me chad gayi. " thank you , thank you so much.. " Divya saans lete hue boli. " mai inki taraf se aapse maafi mangta hu ." Atul bola " nahi galti unho ne ki hai to aap kyu maafi mang rahe hai."  " wo mere friends hai is liye.. waise hi I am Atul " Atul ne hath aage badhate hue kaha to Divya hath milate hue boli  " mera naam Divya hai.." " unki waja se aapki magazine bhi chut gayi but I promise mai aapko next stop pe laa dunga " Atul bola phir wo log wapas apni seat ki taraf chale gaye. seat par baithte hi Divya ne sukoon ki sans li phir apne man me boli " mujhe lag raha tha ke 3no hi kamine hai par Atul un dono se alag hai. agar wo last time par nahi aata to meri train to pakka miss ho jati.."

   Raat ko jab sab so gaye to achanak Divya ko aisa laga koi uski seat par aake baitha ho usne uth kar dekha to waha Atul tha. " tum itni raat ko yaha kya kar rahe ho ? " Divya hairani se boli. " actually mujhe neend nahi arahi hai aur sab so bhi rahe hai to maine soha kyu hum iska fiada uthaye.."  Atul, Divya  ke pass aate hue bola. " Dekho, Atul tum jo bhi kar rahe ho wo galat hai. plz yaha se chale jao." Divya darte hue boli. Atul ke irade kya the wo jaan chuki thi. " meri waja se tum is train me ho maine tumhari help ki thi to iske badle tum itna nahi kar sakti..? " " dekho mere pass mat aao plz .. mai kehti hu mere pass mat....." Divya ki awaaz tez hone lagi to Atul ne uske muh me hath rakh diya " isshhh.... sab so rahe hai, agar tum awaaz karogi to sab jaag jayenge aur mai aisa nahi chahata ke koi bhi jaage to plz.." keh kar Atul uske aur pass aane laga . Divya ko Atul ki is harkat par gussa araha tha. usne use ek zor dar thappad marna chaha par Atul ne hath pakad liya aur uske sath zabardasti karne laga. abhi wo Divya k sath kuch galat karta ke piche se Atul ko kisi ne pakad liya. Atul ne jab palat kar dekha to waha ek ladka khada tha " kaun hai be tu? aur teri himmat kaise hui..." " himmat ki baat to karna mat plz, kisi ki Izzat ke sath khelna galat baat hai is liye tuyaha se 1 min me nahi gaya to..." us ladke ne Atul ki baat kat te hue kaha. " to kya ha..? mare ga mujhe." " naa par yaha jitne bhi passenger so rahe hai unse mar khila sakta hu. " us ladke ne Kaha. " dhamki de ra hai mujhe." " Naa. mai dhamki nahi deta sidhe kar k dikhata hu .." keh ke ladke ne logo ko awaaz lagayi " koi jaag raha hai kya yaha..? " Atul ye sunte hi dar gaya aur jaate jaate bola " teko to mai subha dkhunga.." " thank you so much agar aap na aate to..."  " plz ab aap so jaiye ab koi aapko disturb nahi karega." Ladke ne kaha phir Divya so gayi. ladka wahi baith gaya phir kuch der baad Atul phir aya aur use dekh kar chala gaya.

        Subha jab Divya ki Aankh khuli to usne dekha Atul samne hi khada tha. usne ghabra ke idhar udhar dekha par use wo ladka kahi nazar na aya. " tum jise dhund rahi ho wo to ab nahi hai , kal raat to usne tumhe bacha liya tha ab kaun bachayega..? " " lagta hai mujhe hi yaad kiya ja raha hai.." us ladke ne aate hue kaha. use dekhte hi Atul gusse se use dekh waha se chala gaya. us ladke ke hath me 2 cup coffee thi. " Good morning.." us ladke ne Coffe ka cup aage badhate hue kaha. " kaha chale gaye the tum..? " Divya ne pucha." Subha ka time hai to mai coffee lene chala gaya tha. lo ab pakdo." ladke ne dete hue kaha. " mera naam Sanjay hai. aap bhi akele safar kar rahi ho lagta.." Sanjay ne kaha. " Mai bhi matlab .? tum bhi akele ho.? " .  haan, actually akele baithe baithe bore ho raha tha to socha thoda ghumlu first time train se ja raha hu na is liye. " Sanjay ne bataya. " you know jab se mai train me aayyi hu tabse wo log mujhe pareshan kar rahe the accha hua k tumne usse bacha liya. " Divya ne kaha. tabhi TT aya aur Sanjay kko ticket dikhane ko kaha. " Ticket diakhao " " ya sure." Sanjay e tickket dete he kaha. " ye to AC ka ticket hai. aap milne aaye ho lagta..? " TT ne pucha. " nahi inko lene aya hu. agar aap bura namaane to kya aap chalo ge mere sath ? " Sanjay ne pucha. " han zarur, yaha rehne se to accha hai sath chalu.." Divya ne kaha. phir Sanjay ne TT ko kuch paise diye aur Divya ko waha ke liye Allow kiya. phir uska saman leke jaane laga.. " Isko to mai chodunga nahi.." Atul ne gusse se kaha. " abe ye kaun hai .? aur kaha le ja raha hai usko..? " Karan bola." mai abhi pata karta hu " Rajiv ne kaha aur TT ko bulaya " kya hua ? " TT ne pucha " wo dono kaha ja rahe hai..? " Rajiv ne 500 ka note dikhate hue pucha. phir kya tha TT ne sab bak diya.

                                                                                                 To be Continued......

Love Story

Humko Pyar Hua

    (Story 01)

                                                                                                                             Part-1

       Subha ke 6 baj rahe the. pure ghar me khamoshi chaii hui thi, tabhi Alarm bajne ki awaaz aayi. Awaaz jis room se arahi thi wo room us ladki ka tha jiski Khubsurti par puri society marti thi. tabhi chadar se ek hath nikla alarm band kiya tabhi us ladki ki nazar clock par gayi aur wo chilla k uthi " OMG! 6 baj gaye mujhe to Pune k liye nikalna hai, lagta hai train miss ho jayegi " keh k wo jaldi se uthi fresh hui aur sabke room par jaake sabko uthane lagi. " mom jaldi utho mai late ho jaungi warna .. meri train miss ho jayegi." tabhi uske Dad time dekhte hue bole " abhi to sirf 6 hi baje hai aur tumhari train 8 baje ki hai bohat time hai jaake so jao. ". " Daaaddd, Mom aap Dad ko uthao tab tak mai us Idiot ko uthati hu " Divya boli  " uski koi zarurat nahi mai pehle se uth chuka hu." piche se Ek ladke ki awaaz aayi wo Divya ka chota bhai Dev tha. " kya baat hai aaj kuch zyada jaldi nahi uth gaya tu.? " Divya ne Pucha " han to aaj mere liye itni Khushi ka Din jo hai, kyu ke aaj tu ja rahi hai. ab tu yaha nahi rahe gi to sukun se rahunga yaha akele. waise tere jaate hi ghar ek dam shant ho jayega....." kehte hue wo udas ho gaya. " are kya hua tune muh kyu latka liya bol jitna bolna hai." Divya boli " Actually mai ye soch raha tha ke jab teri shadi ho jayegi uske baad to ye ghar ek dam shant ho jayega humesha ke liye.. abhi to tu kuch dino ke liye ja rahi hai par jab Shadi kar k jayegi to humesha k liye chali jayegi....."  " aisa mat bol mai kahi nahi jaungi tum log ko chod k Shadi k baad bhi." Divya ne Dev ki baat katte hue kaha .. " nahi Sahdi ke baad to tujhe yaha se jana hi padega kyu tere jaane ke baad jo khsuhi mile gi na mujhe mai bata nahi sakta.." Dev hanste hue bola aur bhagne laga " Kamine ruk tu.." Divya bol k uske piche bhagi. " sach me Divya ke jaane ke baad ghar ki ronak chali jayegi. " Mom ne Divya ko dekhte hue udasi se kaha. " Shanti nahi aaj tum jaldi Shanta mera matlab Nashta banaogi. " ye keh kar Dad bahar chale gaye. phir kuch der baad.

" Divya jaldi karo late ho raha hai." Dad ne kaha jo saman ke sath gate par khade the. " bas aayi Dad. " keh kar wo foran bahar agayi phir wo log gadi me baith kar station ki taraf nikal pade. Wo log jaise hi station pohache to dekha waha train pehle se khadi thi. wo log jaldi se saman train me rakhne lage . jaise hi Divya train me chadhi train ne chalna start kiya.to Divya ki mom boli " beta apna dhyan rakhna darne ki bilkul zarurat nahi hai, waha pohachte hi hume phone karna ". " mom mai ab bacchi nahi rahi, apna care khud kar sakti hu. Dad, Mom se boliye ke tension na le " Divya ne kaha jo train me apni sit par thi. " humari beti ab samjhdar ho gayi hai dekho kaise bado ki trha baate kar rahi hai " Dad bole " tu sach me ja rahi hai. ? Dev ne Divya se kaha " nahi mai to bas train me baithi hu ek round laga k ajayegi thodi door se to utar jaungi.. Ja rahi hu tabhi baithi hu na train me. " Divya boli to Dev hanste hue bola " yes! Ab ghar me party ho gi tere jaane ki khushi me " " ha ude le mazak jab waha se aaungi wapas tab tujhe bataungi. " Divya boli. Train jaise jaise aage badh rahi thi Divya ki family bhi sath sath chal rahi thi. " Divya train me kisi bhi anjaan se baat mat karna koi kuch bhi de to lena mat samjhi.." mom ne kaha. " mom me train me hu kisi relative k ghar par nahi k yaha jaan pehchan wale milenge ..yaha sab anjaan hi hai mere liye. aap tension mat lo mom aur ab ghar jao bye. " Divya ne kaha to Dev chilla k bola " Di apna dhyan rakhna. We miss you.. " to Divya khushi se boli " tu bhi mom, Dad aur khud ka khayal rakhna ". Ab train station se nikal chuki thi. Divya apni sit par baithi window se bahar ka view dekh rahi thi aur ear phone laga ke music sun rahi thi, tabhi kuch door baithe 3 ladko ki nazar Divya par padi. " abe udhar dekh kya ladki hai yarr " ek ladke na kaha jo sabse aage baitha tha " ha Karan tune sahi bola yr, pehli baar tune kuch dhang ka kaam kiya hai " dusre ladke ne Divya ko dekhte hue kaha uska naam Rajiv tha. " abe lagta hai akeli hai train me " karan bola " tab to maza ajayega pura safar maze se katega kyu Atul? " Rajive ne 3sre ladke se pucha jo dono se alag baitha tha " tum log kabhi nahi sudhro ge jaha ladki dekhi bas shuru " Atul bola. " ha tu to jaise bohat shareef hai " Karan ne kaha aur uska mazak uda ne laga tabhi Atul ne Divya ki taraf dekha aur window se bahar dekhne laga. 

  Udhar Divya in sab baato se anjaan baithi music ka maza le rahi thi. phir kuch der baad wo dono Rajiv aur Karan, Divya ki taraf badhe unko apni taraf aata dekh wo unhe ignore karne lagi. " hello g mera Naam Karan hai iska Rajiv aur aapka. ? " Karan bola. " what.? are you mad ? " Divya boli. " accha ja kaha rahi ho ye to bata do. ? " Rajiv bola " aap logo ko kyu itni fikr ho rahi hai jaiye aur apna kaam kariye " " tum to Naraz ho rahi ho humne dekha tum akeli ja rahi ho aur hum bhi wo bhi ek hi train se to kyu na dosti kar le te safar asan ho jata. " Karan bola " maine kaha jao yaha se plz mai akeli thk hu. " Divya ne Awaaz tez karte hue kaha " tum log phir shuru ho gaye chalo yaha se " Atul aate hue bola aur dono ko leke chala gaya. Divya ko bohat gussa araha tha ke wo log direct aake usse naam puchne lage.. " kitne besharam the wo ladki akeli dikhi nahi bas..... Let it be mujhe kya karna in sabse. "  Divya apne aap se boli.. " Atul teri problem kya hai yr " Rajiv bola. " han. Accha hum log time pass kar rahe the tu bich me agaya. Pura maza kharab kar diya. " Karan bola. " dekh yr agar tujhe in sab me nahi padna to dur rahe, khud enjoy kar nahi raha aur hume bhi nahi karne de raha. " Rajiv bola. Train chali ja rahi thi.. sham ka waqt tha Divya apni jaga baithi thi k tabhi waha se Karan aur Rajiv guzre. " kaho to kuch laake de aapko" Rajiv ne Divya ki taraf dekhte hue kaha. " mujhe kuch nahi chahiye just leave. " " mai samne hi baitha hu kuch bhi chahiye ho to Awaaz de dena dodte hue ajaunga. " Karan ne kaha. 

                                                                              To be continued...